transoil.by

Пра гэта паведаміў журналістам афіцыйны прадстаўнік «Транснафты» Ігар Дзёмін, піша ТАСС.

«З 12:00 сённяшняга дня «Гомельтранснафта» спыняе транспарціроўку на 96 гадзін у напрамку Адамавай Заставы для правядзення рэгламентных работ на беларускім участку «Дружбы», — сказаў ён.

8 чэрвеня паведамлялася, што «Транснафта» карэктуе графік паставак нафты па нафтаправодзе «Дружба» з-за зніжэння прапампоўкі нафты праз НПС Будкавіцы (Славакія) на фоне тэхнічных праблем у аднаго са спажыўцоў. Чакаецца, што прапампоўка нафты праз НПС будзе зніжана на працягу двух сутак.

Нафтаправод «Дружба» забяспечвае пастаўкі нафты на беларускія НПЗ і яе транзіт у Еўропу. Трубаправод бярэ свой пачатак у Самарскай вобласці, праходзіць праз Бранск і далей дзеліцца на два ўчасткі: паўночны і паўднёвы, які праходзіць праз Беларусь, Украіну, Польшчу, Чэхію, Славакію, Германію, Венгрыю, Латвію, Літву.