Мінабароны дадае, што салдат не меў заўваг па службе, у падраздзяленні характарызаваўся станоўча.

Як мяркуецца, ён накіраваўся да месца пражывання сваёй дзяўчыны ў Полацкі раён. Сам хлопец з Расонаў.

Быў абвешчаны план «Перахоп». Аднак ДАІ здолела спыніць машыну на трасе Мінск — Полацк у раёне Ушачаў. Салдат уцёк у лес у раёне вёскі Сарочына.

Паводле інфармацыі Telegram-канала Ваенкор_BY, МАЗ, за рулём якога знаходзіўся вайсковец тэрміновай службы, быў знойдзены на трасе. Салдат праігнараваў патрабаванні супрацоўнікаў ДАІ спыніцца і папераджальныя стрэлы ў паветра. Супрацоўнікам давялося страляць па колах. У выніку салдат тэрміновай службы кінуў машыну і ўцёк у лес.

Паведамляецца, што жыхары навакольнай зоны мусяць быць асцярожныя.

Фота з ТГ Ваенкор_BY