Расказваем, як цяпер можна падтрымаць культавае для беларускай андэграўнднай культуры месца.

Мікалай Маторын каля бара. Фота з сацсетак.

Бар «Графіці» запрацаваў у Мінску ў 1999-м. За гады існавання тут выступалі такія гурты, як Billy’s Band, «СегодняНочью», артысты з «Псіхеі» і «ДДТ». Невялікая сцэна была пастаянным прытулкам для сустрэч з беларускімі артыстамі: Лявонам Вольскім, Сяргеям Пукстам, Зміцерам Вайцюшкевічам, гуртамі «Серебряная Свадьба», «Кассиопея», Apple Tea, J:морс, Neuro Dubel, «Крамбамбуля» і шмат якімі іншымі.

Па пятніцах у пабе праходзіла рок-караоке. Часам тут выступалі і тэатралы — ад Свабоднага тэатра да Лёхі Ніканава і яго «Последних танков в Париже».

Перажыўшы нават першую хвалю каранавіруса (дзякуючы падтрымцы наведнікаў), клуб закрыўся ў 2021-м пасля шэрагу праверак з МНС, АБЭЗ і санстанцыі.

Адным з галоўных выяўленых «парушэнняў» стаў дрэнны стан фугі паміж пліткай на падлозе. Бар спыніў дзейнасць да выпраўлення «хібаў».

Таксама ўладальнікі мусяць выплаціць штраф — 50 базавых велічынь (1450 рублёў).

Мікалай Маторын расказаў, што будаўнікі ва ўсю моц працавалі над абнаўленнем падлогі. 2 красавіка клуб зноў адкрыў свае дзверы.

На жаль, чарговых пазапланавых праверак ніхто не выключае.


Працэс абнаўлення падлогі ў «Графіці».

На гэты момант кожны ахвотны можа падтрымаць бар, набыўшы «квіток» на анлайн-канцэрт.

Хочаш падзяліцца важнай інфармацыяй ананімна і канфідэнцыйна?