ANSA

У ЗША пакаралі смерцю асуджаную за забойства 52-гадовую Лізу Мантгомеры, паведамляе Reuters. Пакаранне Мантгомеры стала першай смерцю зняволенай жанчыны з 1953 года ў Злучаных Штатах.

Яе смерць зафіксавалі ў 1:31 ночы па мясцовым часе. Рашэнне аб пакаранні прыняў Вярхоўны суд ЗША, яе пазбавілі жыцця смяротнай ін'екцыяй, піша РБК

Ліза Мантгомеры ў 2004 годзе задушыла 23-гадовую Бобі Джо Стынет, якая знаходзілася на восьмым месяцы цяжарнасці. Яна выкрала дзіця, выразаўшы з цела жанчыны, і спрабавала яго выдаць за сваё. Жанчыны пазнаёміліся ў інтэрнэце, і ў дом да сваёй ахвяры ў штаце Місуры Ліза прыехала на падставе куплі шчанюка. У кастрычніку 2007 года Акруговы суд Заходняй акругі штата Місуры прызнаў яе вінаватай і прысудзіў да смяротнага пакарання.

Адвакат Мантгомеры назваў пакаранне заганым і незаконным. Абарона сцвярджала, што асуджаная хворая на цяжкое псіхічнае захворванне. На гэтай падставе адвакаты звярталіся да Дональда Трампа з просьбай аб памілаванні. Абвінавачванне настаяла на тым, што забойства было спланаванае.

Пакаранне Мантгомеры была першым пакараннем смерцю, рашэнне аб якім было прынята на федэральным узроўні ў 2021 годзе, і 11-м пакараннем смерцю з мінулага года. Рашэнне аб вяртанні да смяротнага пакарання на федэральным узроўні было прынята летам 2019 года. Меркавалася, што яму будуць падвергнутыя асабліва жорсткія злачынцы і садысты. Пры гэтым штаты маглі самі вызначаць, пакідаць ім смяротнае пакаранне ці не.

Так, 13 ліпеня 2020 года ў ЗША было праведзена першае пакаранне ў федэральнай турме пасля 17-гадовага сакрэтнага мараторыя. Тады пазбавілі жыцця 47-гадовага мужчыну, які забіў сям'ю з трох чалавек.